ہاٹ لائن نیوز : کراچی کے علاقے لیاری لی مارکیٹ میں رہائشی عمارت سے چار خواتین کی گلا کٹی لاشیں ملنے کے واقعے کی تحقیقات میں اہم پیش رفت سامنے آئی ہے۔ پولیس نے چار خواتین کے قاتلوں کو گرفتار کر لیا ہے۔
لیاری لی مارکیٹ کے فلیٹ سے ایک ہی گھر کی چار خواتین کی لاشیں ملی ہیں۔ جاں بحق ہونے والوں میں ماں، بیٹی، بہو اورنواسی شامل ہیں۔
لاشوں کو تحویل میں لینے کے بعد پولیس نے بھائی کو حراست میں لے لیا جس نے اعتراف جرم کر لیا۔
پولیس حکام نے دعویٰ کیا ہے کہ گھر کا ایک فرد بلال تینوں خواتین اور بچی کے قتل میں ملوث ہے کیونکہ ملزم کو گھر کی بعض خواتین پر ناجائز تعلقات کا شبہ تھا۔
دوران تفتیش ملزم نے بتایا کہ اس نے شک کی بنیاد پر اپنی طلاق یافتہ بہن، کمسن بھانجی، بہنوئی اور والدہ کو تیز دھار آلے سے قتل کیا، جب کہ بلال نے اپنی بیوی کو بھی طلاق دی تھی، ملزم کے خلاف مقدمہ درج کرلیا گیا۔
پولیس کے مطابق جائے وقوعہ پر تین ماہ کا بچہ بیڈکے نیچے سے ملا ہے۔ زیر تفتیش بلال کے بیٹے کے ہاتھ پر کٹ کا نشان ہے، گھر سے ملنے والے چاقو کو بھی فرانزک کے لیے بھیج دیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔