لاہور ہائیکورٹ نے بانی پی ٹی آئی کی 12 مقدمات میں جسمانی ریمانڈ کے خلاف درخواستوں پر ایڈوکیٹ جنرل اور پراسیکیوٹر جنرل پنجاب کو نوٹس جاری کرتے ہوئے کل جواب طلب کر لیا۔
لاہور ہائیکورٹ کے جسٹس طارق سلیم شیخ اور جسٹس انوار الحق پنوں کی سربراہی میں دو رکنی بینچ نے انسداد دہشتگری عدالت لاہور کی جانب سے بانی پی ٹی آئی کی 9 مئی کے 12 مقدمات میں جسمانی ریمانڈ کی منظوری کے خلاف دائر درخواستوں پر سماعت کی۔
بانی پی ٹی آئی کے وکیل نے موقف اختیار کیا کہ قانون کے مطابق بانی پی ٹی آئی کو جسمانی ریمانڈ کے استدعا کے وقت ذاتی طور پر عدالت میں پیش نہیں کیا گیا لہذا جسمانی ریمانڈ غیر قانونی ہے۔
جسٹس انوار الحق پنوں نے استفسار کیا کہ کیا آپ کہہ رہے ہیں کہ بانی پی ٹی آئی کو انسداد دہشتگری عدالت میں پیش کیا جائے، تاکہ ملزم متعلقہ جج کے سامنے پیش ہو کر اپنی بات بیان کرسکے ؟
بانی پی ٹی آئی کے وکیل نے جوابا کہا کہ ویڈیو لنک کے ذریعے کو شخص صرف دکھائی دیتا ہے مگر اس کی موجودگی نہیں ہوتی۔ جب بانی پی ٹی آئی کو ویڈیو لنک میں لایا گیا اس کے بعد ویڈیو لنک پر حاضری کا نوٹیفکیشن عدالت میں پیش کیا گیا۔
عدالت نے تمام تر دلائل سننے کے بعد بانی پی ٹی آئی کی 12 مقدمات میں جسمانی ریمانڈ کے خلاف درخواستوں پر ایڈوکیٹ جنرل اور پراسیکیوٹر جنرل پنجاب کو نوٹس جاری کرتے ہوئے کل جواب طلب کر لیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔