سیالکوٹ: سمبڑیال کے علاقے جیٹھیکے میں دو نامعلوم افراد ایک سنار کے گھر سے کروڑوں روپے مالیت کا سونا لے کر فرار ہوگئے، تاہم پولیس کی بروقت کارروائی کے باعث لوٹا گیا سونا واپس حاصل کرلیا گیا۔
متاثرہ شہری کے مطابق واردات صبح تقریباً 4 بجے ہوئی، جب دو ملزمان گھر کے پچھلے حصے سے سیڑھی کے ذریعے اندر داخل ہوئے اور سونا لے کر فرار ہوگئے۔
واقعے کی اطلاع ملنے پر پولیس نے ملزمان کا تعاقب کیا۔ ڈی پی او کے مطابق پولیس کے پہنچنے پر ملزمان ساڑھے 3 کروڑ روپے مالیت کا سونا کھیتوں میں پھینک کر فرار ہوگئے۔
پولیس نے برآمد ہونے والا سونا مالک کے حوالے کردیا ہے، جبکہ شبہ کی بنیاد پر ایک شخص کو حراست میں لے کر واقعے کی مزید تفتیش کی جارہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔