اسلام آباد: ملک بھر کے بجلی صارفین کے لیے بجلی مزید مہنگی ہوگئی۔ نیشنل الیکٹرک پاور ریگولیٹری اتھارٹی (نیپرا) نے ستمبر 2026 کی ماہانہ فیول پرائس ایڈجسٹمنٹ کے تحت بجلی کی فی یونٹ قیمت میں 2 روپے 37 پیسے اضافے کا نوٹیفکیشن جاری کردیا۔
نیپرا کے فیصلے کے مطابق بجلی کی قیمت میں اضافے کا اطلاق نومبر 2026 کے بلوں میں کیا جائے گا، جس کے باعث صارفین کو آئندہ ماہ اضافی ادائیگیاں کرنا ہوں گی۔
نوٹیفکیشن کے مطابق قیمتوں میں اضافے کا اطلاق کے الیکٹرک کے صارفین پر بھی ہوگا، جس سے کراچی سمیت ملک بھر کے بجلی صارفین متاثر ہوں گے۔
واضح رہے کہ سینٹرل پاور پرچیزنگ ایجنسی (سی پی پی اے) نے ستمبر کی فیول پرائس ایڈجسٹمنٹ کی مد میں فی یونٹ 2 روپے 56 پیسے اضافے کی درخواست جمع کرائی تھی، تاہم نیپرا نے درخواست پر فیصلہ کرتے ہوئے اضافے کی منظوری 2 روپے 37 پیسے فی یونٹ تک محدود رکھی۔
اس فیصلے کے بعد نومبر کے بجلی بلوں میں صارفین کو فی یونٹ 2 روپے 37 پیسے اضافی ادا کرنا ہوں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔