لاہور: پنجاب اسمبلی نے 16 سال سے کم عمر بچوں کے سوشل میڈیا استعمال کو محدود کرنے کے حوالے سے قرارداد منظور کرلی۔
قرارداد حکومتی رکن اسمبلی سارہ احمد نے پیش کی، جس میں مؤقف اختیار کیا گیا کہ بچوں کی جسمانی، ذہنی اور اخلاقی تربیت اور تحفظ ریاست کی بنیادی ذمہ داری ہے۔
قرارداد میں کہا گیا کہ سوشل میڈیا پر موجود نامناسب اور نقصان دہ مواد کم عمر بچوں کی ذہنی صحت کو متاثر کرنے کے ساتھ ساتھ انہیں مختلف سماجی اور نفسیاتی خطرات سے دوچار کر سکتا ہے۔
متن کے مطابق دنیا کے مختلف ممالک اور خطوں میں کم عمر بچوں کے سوشل میڈیا استعمال کو ریگولیٹ کرنے کے لیے اقدامات کیے جا رہے ہیں۔ قرارداد میں پاکستان میں بھی بچوں کے محفوظ مستقبل کو یقینی بنانے کے لیے مؤثر قانون سازی کی ضرورت پر زور دیا گیا۔
قرارداد کے ذریعے مطالبہ کیا گیا کہ پاکستان ٹیلی کمیونیکیشن اتھارٹی (پی ٹی اے) سوشل میڈیا پلیٹ فارمز پر صارفین کی عمر کی تصدیق کے لیے مؤثر نظام متعارف کرانے کے اقدامات کرے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔