“کیا سردیوں میں دہی کھانے سے واقعی زکام ہوتا ہے؟”

سردیوں میں دہی کھانے سے زکام یا فلو کے بڑھنے کا تصور عام سوچ کا حصہ رہا ہے، مگر طبی تحقیقات کے مطابق یہ محض ایک غلط فہمی ہے۔ سائنس کہتی ہے کہ سردی یا نزلہ صرف وائرس کی وجہ سے ہوتا ہے، نہ کہ دہی سے۔

ماہرین غذائیت کے مطابق دہی ایک صحت مند خوراک ہے جو آنتوں کی صحت بہتر بنانے اور مدافعتی نظام کو مضبوط کرنے میں مدد دیتی ہے۔ تاہم دہی کا استعمال بھی احتیاط طلب ہے۔

فریج سے نکال کر فوراً ٹھنڈی دہی کھانے سے کچھ لوگوں کے حلق اور ناک میں جلن یا خراش محسوس ہو سکتی ہے، جسے لوگ غلطی سے زکام سمجھ لیتے ہیں۔ یہی وجہ ہے کہ ماہرین مشورہ دیتے ہیں کہ دہی کھانے سے 20–30 منٹ پہلے فریج سے نکال کر کمرے کے درجہ حرارت پر لائیں یا ہلکی گرم کر کے کھائیں۔

تحقیق کے مطابق، دہی میں موجود پروبائیوٹکس اوپری سانس کی نالی کی انفیکشنز کا خطرہ کم کرنے میں مددگار ہیں۔ البتہ بہت کھٹی یا بہت چکنائی والی دہی اور زیادہ مقدار سے گریز کرنا بہتر ہے۔

ماہرین کا کہنا ہے کہ سردیوں میں اعتدال کے ساتھ دن یا دوپہر میں 1–2 سرونگز دہی کھانا صحت کے لیے مفید ہے، اور ٹھنڈی دہی سے گریز کرنا چاہیے۔