پورٹ قاسم پر آج پہنچے گا 55 ہزار میٹرک ٹن موٹرپیٹرول

ملک میں پیٹرولیم مصنوعات کی دستیابی بہتر ہونے کی توقع ہے کیونکہ آج ایک اور آئل ٹینکر پورٹ قاسم پر پہنچنے والا ہے، جس میں 55 ہزار میٹرک ٹن موٹرپیٹرول موجود ہے۔ یہ کھیپ ملکی ضروریات کو پورا کرنے میں اہم کردار ادا کرے گی۔
پورٹ حکام کے مطابق آئل ٹینکر ’’ایم ٹی خیرپور‘‘ عمان کے شہر صحار سے پاکستان اسٹیٹ آئل (پی ایس او) کے لیے پیٹرول لے کر آرہا ہے۔ جہاز کی آمد پر اسے فوٹکو ٹرمینل پر لنگر انداز کیا جائے گا اور وہاں سے پیٹرول کی ترسیل کا عمل شروع ہوگا۔
ڈیلی شپنگ رپورٹ کے مطابق، ایک اور آئل ٹینکر ’’ایم ٹی دیرا غیرا‘‘ گزشتہ 24 گھنٹوں کے دوران فوٹکو ٹرمینل پر 32 ہزار میٹرک ٹن موٹر گیسولین آف لوڈ کر چکا ہے۔ اس جہاز کی مجموعی مقدار 34 ہزار 62 میٹرک ٹن ہے اور یہ ہفتے کے روز دوپہر 3 بج کر 30 منٹ پر روانہ ہوگا، جس کے بعد نئے آنے والے جہاز کے لیے جگہ دستیاب ہو جائے گی۔
پورٹ قاسم کی روزانہ رپورٹ کے مطابق اس وقت بندرگاہ پر 11 جہاز موجود ہیں، جو مختلف اشیاء جیسے کوئلہ، پیلی مٹر، سیمنٹ، ایل پی جی، فاسفورک ایسڈ اور بٹومین کی ہینڈلنگ کر رہے ہیں۔