ہاٹ لائن نیوز : لاہور ہائیکورٹ میں سابق وزیر اعلی چوہدری پرویز الٰہی کے گھر پر پولیس چھاپے کے خلاف درخواست پر سماعت ہوئی ۔
عدالت نے پولیس کو ہراساں کرنے سے روکتے ہوئے دائر درخواست نمٹا دی ، جسٹس شہرام سرور نےدرخواست پر سماعت کی ۔
پولیس چھاپے، ہراساں کرنے اور ووٹرز لسٹیں لے جانے کا اقدام کو چیلنج کیا گیا تھا ، درخواست پرویز الٰہی کی اہلیہ قیصرہ الٰہی نے دائر کی ۔
درخواست میں آئی جی پنجاب، آرپی او، ڈی پی او گجرات سمیت دیگرکو فریق بنایا گیا تھا ۔
درخواست میں موقف اختیار کیا گیا ہے کہ درخواست گزار این اے 64 سے قومی اسمبلی کیلئے الیکشن لڑ رہی ہے ، مخالف امیدوار کو جتوانے کیلئے پولیس اوچھے ہتھکنڈے استعمال کررہی ہے ، ڈی پی او گجرات اسد مظفر نے بھاری نفری کے ساتھ گھر پر ریڈ کیا ، گھر میں توڑ پھوڑ کی اور چادر اور چار دیواری کا تقدس پامال کیا ، پولنگ ایجنٹس کی لسٹیں اور لیپ ٹاپ سمیت دیگر سامان اٹھا کر لے گئے ، درخواست گزار اور ان کے شوہر کو الیکشن لڑنے سے روکنے کی کوشش کی جارہی ہے ۔
درخواست میں استدعا کی گئی کہ عدالت ڈی پی او گجرات سمیت پولیس والوں کیخلاف کارروائی کا حکم دے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
