ہاٹ لائن نیوز : ہسپتال ذرائع کے مطابق جھڑپوں میں 4 شہری زخمی ہوئے۔
پاک افغان سرحد پر جاری گولہ باری کا سلسلہ اب رک گیا ہے، مقامی ذرائع کے مطابق دونوں اطراف سے پیر کو سارا دن بھاری اسلحہ سے ایک دوسرے کی حدود میں گولے برسائے گئے تھے ۔
یہ جھڑپیں پاکستانی فضائیہ کی جانب سے افغانستان کی حدود میں دہشتگردوں کے ٹھکانوں پر حملوں کے بعد شروع ہوئی تھیں۔
ان جھڑپوں کا سلسلہ صبح سات سے شام چار بجے تک جاری رہا، جس کے نتیجے میں سرحدی گاؤں خرلاچی اور بوڑکی میں تمام سرکاری اور پرائیویٹ سکولز بند رہے تھے۔
اسپتال ذرائع کے مطابق۔اسپتالوں میں ایمرجنسی نافذ ہے، جھڑپوں کے دوران 4 شہری زخمی بھی ہوئے، سوموار کی صبح ایک گولہ سرکاری سکول کے قریب گرا جبکہ ایک جنرل سٹور جبکہ ارہ مشین کو بھی نقصان پہنچا۔ جھڑپوں کے دوران مقامی ابادی کے افراد نے نسبتاً محفوظ مقامات کی طرف سے نقل مکانی بھی کی گئی، دوسری طرف افغان حکام نے پاکستانی فوج کی چوکیوں پر گولے برسانے کا دعوی بھی کیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
