نیل کٹر کا وہ خفیہ فیچر جو زیادہ تر لوگ نہیں جانتے

نیل کٹر عام طور پر ناخن تراشنے کے لیے استعمال کیا جاتا ہے، لیکن بعض اوقات خاص طور پر بچے اس سے کھیلتے ہوئے غلطی سے جلد کو کاٹ لیتے ہیں جس سے تکلیف دہ زخم بن سکتا ہے۔

دلچسپ بات یہ ہے کہ زیادہ تر افراد کو معلوم نہیں ہوتا کہ نیل کٹر میں ایک سادہ مگر کارآمد حفاظتی فیچر بھی موجود ہوتا ہے۔ اس فیچر کو لاک یا سیفٹی پوزیشن کہا جا سکتا ہے، جس کا مقصد بلیڈ کو غیر ضروری طور پر کھلنے سے روکنا اور حادثاتی خراشوں سے بچاؤ فراہم کرنا ہے۔

اسے استعمال کرنے کا طریقہ بہت آسان ہے۔ نیل کٹر کے اوپری لیور کو بند کریں اور پھر لیور کے قریب موجود چھوٹے سے ٹیب یا بٹن کو دبا دیں، اس طرح بلیڈ مکمل طور پر لاک ہو جاتا ہے اور کھل نہیں پاتا۔

اس کے علاوہ نیل کٹر کے نچلے حصے میں ایک چھوٹا سوراخ بھی ہوتا ہے جو اکثر نظر انداز کر دیا جاتا ہے۔ یہ سوراخ دراصل کافی مفید ہوتا ہے۔ آپ اس میں ڈوری، رنگ یا چابی ڈال کر نیل کٹر کو کسی محفوظ جگہ لٹکا سکتے ہیں تاکہ یہ گم نہ ہو۔

مزید یہ کہ اس سوراخ کو کی چین کے طور پر بھی استعمال کیا جا سکتا ہے، جس کے ذریعے آپ نیل کٹر کو اپنی چابیوں کے ساتھ منسلک کرکے آسانی سے ساتھ رکھ سکتے ہیں۔

یوں ایک سادہ سا نیل کٹر نہ صرف صفائی کے لیے بلکہ سہولت اور حفاظت کے حوالے سے بھی کئی چھپی ہوئی خصوصیات رکھتا ہے۔