ہاٹ لائن نیوز : نگران وزیر خارجہ جلیل عباس جیلانی برسلز روانہ ہو گئے، وہ غیر قانونی نقل مکانی کی روک تھام سے متعلق عالمی کانفرنس میں شرکت کریں گے۔
ذرائع کا کہنا ہے کہ نگراں وزیر خارجہ جلیل عباس جیلانی برسلز روانہ ہو گئے ہیں، وہ غیر قانونی نقل مکانی کی روک تھام سے متعلق عالمی کانفرنس میں شرکت کریں گے۔
غیر قانونی ہجرت سے ہر سال ہزاروں افراد ہلاک ہوتے ہیں اور غیر قانونی تارکین وطن اٹلی، یونان و دیگر یورپی ممالک کے ساحلوں پر ڈوب جاتے ہیں۔
ذرائع نے بتایا کہ وزیر خارجہ جلیل عباس کو سپیکر کے طور پر مدعو کیا گیا ہے، اور عالمی وزارتی کانفرنس کا انعقاد یورپی کمیشن نے کیا ہے۔
ذرائع کے مطابق جلیل عباس جیلانی آج شام برسلز پہنچیں گے جب کہ کانفرنس منگل کو ہوگی جس میں وزیر خارجہ جلیل عباس جیلانی ہجرت کے قانونی طریقہ کار کو آسان بنانے پر زور دیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
