ہاٹ لائن نیوز : سیف سٹی نے حادثے کا رنگ دے کر شہریوں کو لوٹنے والے ڈاکو کی ویڈیو جاری کر دی ہے،ٹریفک سگنل پر رکنے والی گاڑی کو موٹر سائیکل سوار نے جان بوجھ کر پیچھے سے ہٹ کیا اور حادثے کے بہانے گاڑی سے شہریوں کو باہر نکالا، گاڑی سے نکلتے ہی ڈاکو نے گن پوائنٹ پر لوٹ مار کرنے کی کوشش کی۔ کار سواروں کی طرف سے مزاحمت پر ڈاکو نے گولی چلا دی، گولی کی آواز سن کر ڈولفن اہلکار موقع واردات پر پہنچ گئے۔
ڈولفن اہلکار کو دیکھتے ہی ڈاکو نے فرار ہونے کی کوشش کی لیکن سیف سٹی ورچوئل پٹرولنگ آفیسر نے ڈکیت کو کیمروں کے ذریعے ٹریس کر لیا، ڈولفن فورس نے سیف سٹی کی نشاندہی پر پیچھا کرتے ہوئے ڈاکو کو گرفتار کر کے اس کے خلاف مقدمہ درج کرتے ہوئے قانونی کارروائی کا آغاز کر دیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔