پاکستان کے سابق فاسٹ بولر محمد عامر نے افغانستان پریمیئر لیگ (اے پی ایل) کے آئندہ ایڈیشن کے لیے اپنی رجسٹریشن کروا دی ہے۔
ذرائع کے مطابق محمد عامر نے برطانوی شہری کی حیثیت سے لیگ میں شرکت کے لیے نام درج کروایا ہے۔ برطانوی پاسپورٹ حاصل کرنے کے بعد وہ برطانیہ کی شہریت بھی حاصل کرچکے ہیں۔
دوسری جانب اطلاعات ہیں کہ پاکستان کرکٹ بورڈ نے افغانستان پریمیئر لیگ کے لیے پاکستانی کھلاڑیوں کو این او سی جاری نہ کرنے کا فیصلہ کیا ہے۔
میڈیا رپورٹس کے مطابق لیگ کے پلیئرز ڈرافٹ کے لیے پاکستان کے متعدد کرکٹرز نے بھی رجسٹریشن کروائی ہے، جبکہ ڈرافٹ کل منعقد ہوگا۔
واضح رہے کہ برطانوی شہریت رکھنے کے باعث محمد عامر کو افغانستان پریمیئر لیگ میں شرکت کے لیے پی سی بی کے این او سی کی ضرورت نہیں ہوگی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔