راولپنڈی: فیلڈ مارشل سید عاصم منیر نے کہا ہے کہ اقلیتوں کے حقوق کا تحفظ پاکستان کے نظریے کی بنیاد میں شامل ایک اہم ستون ہے۔
آئی ایس پی آر کے مطابق، فیلڈ مارشل نے کرائسٹ چرچ راولپنڈی کا دورہ کیا اور کرسمس کی تقریبات میں شرکت کی۔ اس موقع پر انہوں نے مسیحی کمیونٹی کو کرسمس کی مبارکباد پیش کی اور امن، ہم آہنگی اور خوشحالی کے لیے نیک خواہشات کا اظہار کیا۔
فیلڈ مارشل نے قائداعظم محمد علی جناح کو ان کے یومِ پیدائش پر خراج عقیدت پیش کرتے ہوئے کہا کہ قائداعظم کے وژن کے مطابق پاکستان مساوات، مذہبی آزادی اور آئینی اصولوں پر قائم ہے۔ انہوں نے بین المذاہب ہم آہنگی اور قومی اتحاد کی اہمیت پر زور دیتے ہوئے کہا کہ اقلیتوں کے حقوق کا تحفظ ملک کی طاقت کا ایک اہم عنصر ہے۔
انہوں نے مسیحی کمیونٹی کی قومی ترقی اور مسلح افواج میں خدمات کو سراہا اور کہا کہ یہ خدمات حب الوطنی اور قومی یکجہتی کی روشن مثال ہیں۔ فیلڈ مارشل نے اس بات پر بھی زور دیا کہ مسلح افواج تمام شہریوں کے مساوی حقوق کے تحفظ کے لیے پرعزم ہیں۔
اس موقع پر مسیحی رہنماؤں نے فیلڈ مارشل کے دورے پر شکریہ ادا کیا اور افواج کے کردار کو سراہا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔