لاہور: پاکستان کے فاسٹ بولر شاہین شاہ آفریدی نے ون ڈے انٹرنیشنل کرکٹ میں 150 وکٹیں مکمل کرکے ایک اور اہم اعزاز اپنے نام کرلیا۔ انہوں نے انگلینڈ کے خلاف سہ ملکی سیریز کے دوسرے میچ میں یہ سنگ میل عبور کیا۔
قذافی اسٹیڈیم لاہور میں کھیلے گئے مقابلے کے دوران شاہین آفریدی نے انگلش اوپنر ٹام بینٹن کو اننگز کے پہلے اوور میں آؤٹ کرکے اپنی 150ویں ون ڈے وکٹ حاصل کی۔ بینٹن گزشتہ چار اننگز میں مسلسل نصف سنچریاں اسکور کرچکے تھے، تاہم شاہین کی فل لینتھ گیند پر کور کے علاقے میں کیچ دے بیٹھے۔
شاہین آفریدی نے یہ کارنامہ اپنے 80ویں ون ڈے میچ میں انجام دیا۔ اس سے قبل پاکستان کے سابق فاسٹ بولرز وقار یونس اور شعیب اختر نے 91، 91 میچز میں 150 وکٹیں مکمل کی تھیں۔
پاکستانی بولرز میں سابق آف اسپنر ثقلین مشتاق اس اعزاز تک شاہین سے پہلے پہنچے تھے۔ انہوں نے 78 ون ڈے میچز میں 150 وکٹیں حاصل کی تھیں، جبکہ شاہین اس فہرست میں دوسرے نمبر پر آگئے۔
شاہین آفریدی کی یہ کامیابی ان کی محدود اوورز کی کرکٹ میں مستقل عمدہ کارکردگی اور پاکستان کے لیے اہم وکٹیں حاصل کرنے کی صلاحیت کا ایک اور ثبوت ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔