ہاٹ لائن نیوز : توشہ خانہ تحائف کی تفصیلات فراہم نہ کرنے کا معاملہ ؛ لاہور ہائیکورٹ، وفاقی سیکرٹری کیبنٹ ڈویژن سمیت دیگر کیخلاف توہین عدالت کی درخواست پر سماعت ہوئی ۔
ایڈیشنل اٹارنی جنرل نے عدالت کو بتایا کہ 1990 سے تمام ریکارڈ آن لائن کر دیا ہے ، عدالت نے ایڈیشنل اٹارنی جنرل کی جانب سے جمع کروائی گئی رپورٹ کی روشنی میں درخواست کو نمٹا دیا ، جسٹس عاصم حفیظ نے شہری منیر احمد کی توہین عدالت کی درخواست پر سماعت کی ۔
درخواست میں موقف اختیار کیا گیا کہ عدالت نے وفاقی سیکرٹری کیبنٹ ڈویژن ودیگر کو 1947 سے توشہ خانہ تحائف کی تفصیلات پیش کرنے کا حکم دیا ، عدالتی حکم پر عملدرآمد کیلئے افسران کو خطوط لکھے گئے ، عدالتی حکم پر توشہ خانہ تحائف کی تفصیلات فراہم نہ کرنا توہین عدالت ہے ۔
عدالت سے استدعا کی گئی تھی کہ عدالت سیکرٹری کیبنٹ ڈویژن کامران علی افضل سمیت دیگر کیخلاف توہین عدالت کی کارروائی کرے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
