سعودی عرب: غیر منظور شدہ رہائش گاہوں کی فراہمی پر 8 عمرہ کمپنیوں اور ایجنٹس پر پابندی
ریاض: سعودی وزارتِ حج و عمرہ نے زائرین کو غیر منظور شدہ مقامات پر ٹھہرانے کی پاداش میں چار عمرہ کمپنیوں اور چار غیر ملکی ایجنٹس کی سروسز معطل کر دی ہیں۔
سعودی حکام کے مطابق مذکورہ کمپنیوں اور ایجنٹس نے ضوابط کی خلاف ورزی کرتے ہوئے زائرین کے لیے ایسی رہائش کا انتخاب کیا جو سرکاری معیار پر پورا نہیں اترتی تھی، جس کی وجہ سے متعدد عمرہ زائرین کو شدید پریشانی کا سامنا کرنا پڑا۔
ترجمان کے مطابق عمرہ سروسز کی بہتری کے لیے زمینی معائنوں اور ڈیجیٹل مانیٹرنگ کے ذریعے سخت نگرانی کا سلسلہ جاری رہے گا تا کہ کسی بھی قسم کی بدنظمی کی فوری نشاندہی کی جا سکے۔
سعودی حکام نے تمام زیارتی سروسز فراہم کرنے والے اداروں پر زور دیا ہے کہ وہ ضوابط کی مکمل پاسداری کرتے ہوئے زائرین کو اعلیٰ معیار کی سہولیات فراہم کریں تا کہ سعودی وژن 2030 کے تحت زائرینِ حرمین کے سفر کو مزید آسان اور آرام دہ بنایا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔