ستمبر میں سرخ چاند (بلڈ مون) کا نظارہ: پاکستان میں دکھائی دے گا یا نہیں؟

دنیا کے مختلف حصوں میں ستمبر 2025 کے آغاز میں ایک نایاب فلکیاتی مظاہرہ یعنی مکمل چاند گرہن کا نظارہ کیا جائے گا، جس دوران چاند کا رنگ سرخ ہوجائے گا، جسے عام طور پر “بلڈ مون” کہا جاتا ہے۔

فلکیاتی ماہرین کے مطابق یہ چاند گرہن 7 اور 8 ستمبر کی درمیانی شب پیش آئے گا۔ یہ مکمل چاند گرہن پاکستانی وقت کے مطابق 7 ستمبر کی رات 8 بج کر 28 منٹ پر شروع ہوگا اور تقریباً ایک بج کر 55 منٹ تک جاری رہے گا۔ اس دوران تقریباً 82 منٹ تک چاند مکمل گرہن میں رہے گا۔

بلڈ مون کا یہ نایاب منظر دنیا کی تقریباً 88 فیصد آبادی کو دیکھنے کا موقع ملے گا۔ آسٹریلیا، بھارت، وسطی ایشیا، جاپان، روس کے مختلف علاقے، مشرقی افریقا اور کچھ دیگر ممالک میں اسے باآسانی دیکھا جا سکے گا۔

تاہم، پاکستان میں اس دلکش نظارے کا امکان کم ہے کیونکہ فلکیاتی حسابات کے مطابق چاند گرہن کا آغاز ایسے وقت پر ہوگا جب پاکستان میں دن ہوگا — یعنی چاند افق سے نیچے ہوگا، جس کے باعث یہ نظارہ یہاں ممکن نہیں ہوگا۔

ماہرین کا کہنا ہے کہ یہ اس دہائی کا سب سے نمایاں مکمل چاند گرہن ہوگا، جو فلکیات کے شوقین افراد کے لیے ایک یادگار موقع بن سکتا ہے — بشرطیکہ وہ ان علاقوں میں موجود ہوں جہاں سے یہ نظارہ ممکن ہو۔