ہاٹ لائن نیوز : لاہور ہائیکورٹ میں سموگ اور ماحولیاتی آلودگی کے تدارک کیس کی سماعت ہوئی ۔
ممبر واٹر کمیشن نے عدالت میں بتایا کہ ریسٹورینٹس والے چیکنگ کرنیوالے عملے کو اندر نہیں جانے دیتے، ایک ریسٹورنٹ والے نے عملے کے پاس دستاویزات پھاڑ دیں ۔
جسٹس شاہد کریم نے بتایا کہ اس طرح کا رویہ تو قابل برداشت نہیں، بدتمیزی کرنیوالے شخص کو ڈھونڈ کر پیش کریں ۔
ممبر کمیشن نے عدالت میں بتایا کہ ٹولنٹن مارکیٹ میں متعلقہ محکموں کی سب کمیٹیز بنائی ہیں، صبح مرغیاں لانے والے ٹرکوں کو چیک کریں گے، کوشش ہے کہ ٹولنٹن مارکیٹ میں مردہ مرغیاں فروخت نہ ہوں۔
عدالت نے کہا کہ ایس او پیز بن گئے ہیں ان کے اطلاق سے معاملات مزید بہتر ہونگے ۔
ممبر واٹر کمیشن نے کہا کہ ٹولنٹن مارکیٹ میں صفائی کے انتظامات کیے جارہے ہیں،
جسٹس شاہد کریم نے حکم دیا کہ پارکس میں پودوں، درختوں کو نہری پانی لگایا جائے،پی ایچ اے بنائے گئے زیر زمین واٹر ٹینکس کا پانی بھی استعمال کرے۔
لاہور ہائیکورٹ نے رمضان میں مارکیٹس کو رات بارہ بجے اور ہفتے اتوار کو رات ایک بجے تک کھلا رکھنے کی اجازت دے دی ۔
جسٹس شاہد کریم نے اسموگ کیس کی سماعت کے دوران احکامات جاری کیے
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
