بیس لاکھ سے زائد افراد بےگھرہوگئے

ہاٹ لائن نیوز : اقوام متحدہ نے کہا ہے کہ میانمار میں لڑائی سے مزید 335,000 افراد بے گھر ہوئے ہیں۔

کئی ریاستوں میں عسکریت پسند گروپوں کی جارحیت پھیل رہی ہے۔ باغیوں نے کئی قصبوں اور فوجی چوکیوں پر قبضہ کر لیا ہے ، جمہوریت کی حامی قوتیں بھی اپنی مزاحمت کو بڑھانے کے لیے فوجی حکمرانوں کے خلاف اپنی لڑائی تیز کر رہی ہیں۔

اقوام متحدہ کے دفتر برائے انسانی امور رابطہ کاری کا کہنا ہے کہ اسے حالیہ جھڑپوں اور متعلقہ عدم تحفظ کی وجہ سے تقریباً 200 شہریوں کی ہلاکت کی اطلاعات موصول ہوئی ہیں۔

دفتر نے مزید کہا کہ 2021 کی فوجی بغاوت کے بعد سے ملک بھر میں بے گھر ہونے والے افراد کی تعداد 20 لاکھ تک پہنچ گئی ہے۔ ایجنسی نے بین الاقوامی برادری پر زور دیا کہ وہ فوری طور پر انسانی ضروریات کو پورا کرے۔