انڈیا 24 سے 36 گھنٹے میں پاکستان پر فوجی کارروائی کر سکتا ہے

انڈیا 24 سے 36 گھنٹے میں پاکستان پر فوجی کارروائی کر سکتا ہے

وزیر اطلاعات عطاء تارڑ  نے کہا ہے کہ مستند اطلاعات ملی ہیں کہ بھارت اگلے چوبیس سے 36 گھنٹے میں پاکستان کے خلاف فوجی کارروائی کا ارادہ کر رہا ہے، بھارت فوجی کارروائی کے لئے پہلگام واقعے سے جڑے بے بنیاد اور خود ساختہ الزامات کو بنیاد بنائےگا، پاکستان کی طرف سے کسی بھی قسم کی بھارتی مہم جوئی کا فیصلہ کن جواب دیا جائے گا۔

ان کا کہنا ہے کہ پاکستانی قوم اپنی خود مختاری اور علاقائی سالمیت کا دفاع کرنا جانتی ہے، جنگ سے تباہ کن نتائج کا ذمہ دار صرف اور صرف بھارت ہو گا، انہوں نے کہا ہے کہ سیاسی مقاصد کے لیے عوامی جذبات کو بھڑکانا افسوس ناک ہو گا، بھارت نے خود تصادم کے راستے کا انتخاب کیا ہے جو خطے اور دنیا کے لئے تباہ کن ہو گا۔