الشفاء ہسپتال : ایک اور اجتماعی قبر دریافت
ہاٹ لائن نیوز : امدادی کارکنوں نے غزہ کے الشفا اسپتال میں ایک اور اجتماعی قبر دریافت کی ہے۔
غیر ملکی میڈیا کے مطابق حکام کا کہنا ہے کہ امدادی کارکنوں کو الشفاء اسپتال سے مزید 49 لاشیں ملی ہیں۔
الشفا ہسپتال کے ایمرجنسی ڈیپارٹمنٹ کے سربراہ معتصم صلاح نے گزشتہ روز صحافیوں کو بتایا کہ الشفاء ہسپتال میں ملنے والی یہ تیسری اجتماعی قبر ہے۔
ایک الگ بیان میں، غزہ کے سرکاری میڈیا آفس نے الشفا اسپتال میں 49 لاشوں کی دریافت کی تصدیق کرتے ہوئے اسرائیل پر اسپتال کے اندر اور باہر لوگوں کو قتل کرنے کا الزام لگایا۔
سرکاری میڈیا آفس نے بتایا کہ غزہ کے 3 مختلف اسپتالوں میں اب تک 7 اجتماعی قبروں سے 520 لاشیں نکالی جاچکی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
