الرجی سے بچانے والاٹوتھ پیسٹ تیار

ہاٹ لائن نیوز : سائنسدانوں نے ایک نیا ٹوتھ پیسٹ تیار کیا ہے جو مونگ پھلی کی الرجی میں مبتلا افراد کی حساسیت کو ختم کر سکتا ہے۔

امریکی ریاست کیلیفورنیا کے سائنسدانوں نے اس ٹوتھ پیسٹ کا تجربہ 32 افراد پر کیا جنہیں مونگ پھلی سے الرجی تھی۔ اس ٹوتھ پیسٹ میں مونگ پھلی کے پروٹین کی بہت کم مقدار ہوتی ہے جو لوگوں میں الرجی کا باعث بن سکتی ہے۔

مطالعہ کے 32 شرکاء میں سے 24 کو اصل مرکب دیا گیا جبکہ آٹھ کو پلیسبو (ایک بے ضرر مادہ) دیا گیا۔ جن لوگوں کو ٹوتھ پیسٹ دیا گیا انہیں ہر بار ٹوتھ پیسٹ کی زیادہ مقدار دی گئی، یعنی ہر بار مونگ پھلی کے پروٹین کی مقدار میں اضافہ ہوا۔

مطالعہ میں، شرکاء نے 11 مہینے تک دن میں ایک بار اپنے دانت صاف کیے. محققین نے نوٹ کیا کہ اس عرصے کے دوران کسی کو بھی شدید الرجک ردعمل نہیں ہوا، جس سے یہ معلوم ہوتا ہے کہ یہ پروڈکٹ نٹ الرجی والے لوگوں کے استعمال کے لیے محفوظ ہے۔