مری میں مسلم لیگ (ن) کی اعلیٰ قیادت کے اجلاس میں آزاد کشمیر کے نئے وزیراعظم کے انتخاب سے متعلق مشاورت مکمل کرلی گئی ہے، جبکہ متفقہ امیدوار کے نام کا باضابطہ اعلان آج کیے جانے کا امکان ہے۔
ذرائع کے مطابق اجلاس کی صدارت مسلم لیگ (ن) کے صدر نواز شریف نے کی، جس میں وزیراعظم شہباز شریف، وزیراعلیٰ پنجاب مریم نواز اور دیگر اہم پارٹی رہنماؤں نے شرکت کی۔
ذرائع کا کہنا ہے کہ آزاد کشمیر کی وزارتِ عظمیٰ کے لیے شاہ غلام قادر اور طارق فاروق کے نام نمایاں طور پر زیر غور رہے۔ اجلاس میں دیگر نشستوں پر پارٹی امیدواروں کے حوالے سے بھی مشاورت مکمل کی گئی۔
مخصوص نشستوں کے لیے سحرش قمر، مریم کشمیری، ناصرہ خان اور نثارہ عباسی جبکہ اوورسیز نشست کے لیے حاجی احسان دانش، عبدالرحمان آرائیں اور راجا وسیم کے نام زیر غور آئے۔
پارٹی قیادت نے تمام متعلقہ امور پر مشاورت مکمل کرلی ہے۔ ذرائع کے مطابق آزاد کشمیر کے وزیراعظم سمیت دیگر نشستوں کے امیدواروں کے ناموں کا اعلان آج متوقع ہے، اور امکان ہے کہ نواز شریف خود اس حوالے سے نام سامنے لائیں گے۔
اجلاس کے بعد نواز شریف اور مریم نواز لاہور روانہ ہوگئے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔