فیصل کپاڈیا نے ڈمپل کپاڈیا کے ساتھ خاندانی تعلق کا انکشاف کر دیا

پاکستان کے معروف گلوکار اور بینڈ اسٹرنگز کے بانی فیصل کپاڈیا نے اپنی ذاتی زندگی سے متعلق ایک دلچسپ بات عوام کے سامنے رکھی ہے۔

فیصل کپاڈیا، جنہوں نے 1989 سے 2021 تک بلال مقصود کے ساتھ مل کر پاکستانی پاپ اور راک موسیقی کو نئی جہت دی، نے ایک حالیہ انٹرویو میں بھارتی اداکارہ ڈمپل کپاڈیا کے ساتھ اپنے خاندانی تعلق کا ذکر کیا۔

ان کے مطابق، ڈمپل کپاڈیا دراصل ان کی بھتیجی ہیں اور ان کے والد، مرحوم چنی بھائی کپاڈیا، فیصل کے کزن تھے۔ فیصل نے بتایا کہ 1984 میں ایک کزن کی شادی کے موقع پر ڈمپل کپاڈیا پاکستان آئے تھے، اور اس موقع پر فیصل نے گانا بھی گایا تھا۔ انہوں نے کہا کہ مرحوم کزن نے اس وقت وعدہ کیا تھا کہ ایک دن انہیں بالی وُڈ لے جائیں گے، مگر وہ یہ وعدہ پورا نہ کر سکے۔

فیصل کپاڈیا نے مزید کہا کہ اگرچہ ابتدائی وعدہ پورا نہیں ہوا، لیکن بالآخر قسمت نے انہیں بالی وُڈ تک پہنچا دیا، جہاں انہوں نے کئی مشہور گانے گائے۔

انٹرویو کے دوران فیصل نے اپنے مداحوں کے لیے ایک مختصر مونو لاگ بھی پیش کیا جس پر سامعین نے بھرپور داد دی۔

فی الوقت، فیصل کپاڈیا اپنی سولو میوزک کریئر پر توجہ مرکوز کیے ہوئے ہیں اور کئی مرتبہ کوک اسٹوڈیو کا حصہ بھی رہ چکے ہیں۔ ان کے حالیہ گانے “پھر ملیں گے” کو شائقین نے بہت پسند کیا ہے۔