غصے سے بھڑکتی اداکارہ نے بھارتیوں کی منافقت کھل کر بتا دی

ممبئی: ( ہاٹ لائن نیوز) بھارت کی ریاست اتر پردیش کے شہر مظفر نگر میں ایک خاتون ہندو ٹیچر کی طرف سے ایک مسلمان بچے کو ہندو طلبہ سے تھپڑ لگوانے پر بالی وڈ کی نامور اداکارہ سوارا بھاسکر غصے سے بھڑک اٹھیں۔

سوشل میڈیا پر ایک وائرل ویڈیو میں دیکھا جاسکتا ہے کہ خاتون ٹیچر ہندو طلبہ کو ایک مسلمان طالب علم کو زور سے تھپڑ مارنے کا حکم دے رہی ہے ۔

سوارا بھاسکر نے ایکس پر اپنی پوسٹ میں اس واقعے کو بھارتی باشندوں کی منافقت قرار دیا ہے۔
اداکارہ نے لکھا ہے کہ بی جے پی کو ووٹ دینے والے انڈین کو اس واقعے پر حیران ہونے کی ضرورت نہیں ، وہ نفرت و تعصب پر مسلسل اپنی آنکھیں بند کیے ہوئے ہیں۔

انہوں نے یہ بھی لکھا ہے کہ اسلاموفوبیا کے واقعہ پر بھارتیوں کو اپنی مذمت کہیں اور رکھ دینی چاہئے کیوں کہ اس سے کوئی ثواب نہیں ملنے والا ۔

اداکارہ نے اپنی ٹویٹ کے ساتھ ایک ہیش ٹیگ استعمال کیا ہے ، جس میں اداکارہ نے تشدد پر اکسانے والی خاتون ٹیچر کی گرفتاری کا مطالبہ کیا ہے ۔