عدنان صدیقی کی موت کی جھوٹی خبر کس چینل نے پھیلائی ؟

کراچی: ( ہاٹ لائن نیوز) پاکستان کے نامور اداکار عدنان صدیقی نے اپنی موت کی خبر کی تردید کردی۔

اداکار نے اپنے انسٹاگرام اکاؤنٹ پر ایک ویڈیو شیئر کی ہے ، جس میں یوٹیوب چینل پر اداکار کے انتقال کی خبر دی گئی تھی۔ یہ ویڈیو شیئر کرنے کے بعد اداکار نے طنزیہ انداز میں کہا کہ عدنان صدیقی بہت اچھے آدمی تھے، اللہ تعالیٰ ان کو اپنے جوار رحمت میں اعلیٰ مقام دے اور ان کے اہل خانہ کو صبر دے ۔

پھر عدنان صدیقی نے افسوس کا اظہار کرتے ہوئے کہا کہ بھائیوں میں اس پر کیا کہوں ؟ اللہ کا شکر ہے کہ ٹھیک ٹھاک اور لائیو ہوں ۔

عدنان صدیقی نے اپنی پوسٹ کے کیپشن میں یہ بھی لکھا ہے کہ جو لوگ بریکنگ نیوز کے نام پر میرے انتقال کی خبریں پھیلا رہے ہیں، اگلی مرتبہ یہ خبر دینے سے پہلے مجھے بھی موقع دیں تاکہ میں ان کے اسٹوڈیو میں آکر اپنی موت کی خود تصدیق کر سکوں۔