ہاٹ لائن نیوز : الیکشن کے دوران سروے کرنے پر پابندی کرنے کے خلاف ہائیکورٹ میں درخواست دائر کر دی گئی ۔
سئنیر اینکر پرسن حبیب اکرم نے محمد عاطف امین ایڈووکیٹ کی وساطت سے درخواست دائر کی ۔
دائر درخواست میں الیکشن کمیشن ،پیمرا سمیت دیگر کو فریق بنایا گیا ۔
درخواست میں موقف اختیار کیا گیا ہے کہ الیکشن کمیشن نے 13اکتوبر کو انتخاب کے حوالے سے میڈیا کےلیے کوڈ آف کنڈکٹ جاری کیا، الیکشن کمیشن نے پرنٹ و الیکٹرانک ،ڈیجیٹل میڈیا سمیت تمام صحافیوں پر الیکشن سروے کرنے پر پابندی عائد کی ہے ، یکم جنوری کو پیمرا نے ٹی وی چینلز پر کوڈ آف کنڈکٹ پر عملدرآمد کرانے کےلیے مراسلہ جاری کیا ، الیکشن کمیشن اور پیمرا کا اقدام آئین کے ارٹیکل 19اے کی خلاف ورزی ہے ۔
درخواست میں استدعا کی گئی ہے کہ عدالت نے سروے پر پابندی کے اقدام کو کالعدم قرار دے ، درخواست کے حتمی فیصلے تک پیمرا اور الیکشن کمیشن کے نوٹیفکیشن معطل کیے جائیں ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
