آئی پی ایل میں دھونی نے نئی تاریخ رقم کر دی
بھارتی کرکٹ ٹیم کے سابق کپتان مہندر دھونی جو انڈین پریمیئر لیگ کی ٹیم چنئی سپر کنگز کے وکٹ کیپر ہیں انہوں نے ایونٹ میں نئی تاریخ رقم کر دی، انہوں نے گیارہ گیندوں پر 26 رنز کی ناقابل شکست اننگز کھیلی جس میں چار چوکے اور 1 چھکا شامل تھا، دھونی کو میچ کے دوران شاندار بیٹنگ ، دو اسٹمپ اور 1 رن آؤٹ کرنے پر چنئی کے پلیئر آف دی میچ کا ایوار ڈ دیا گیا، اس کے ساتھ ہی انہوں نے آئی۔ پی۔ایل میں نئی تاریخ رقم کر دی۔
43 سالہ دھونی آئی۔ پی۔ ایل کی تاریخ میں مین آف دی میچ کا ایوارڈ جیتنے والے سب سے عمر رسیدہ پلیئر ہو گئے، اس سے پہلے دھونی نے انڈین پریمئیر لیگ میں 43 سال 278 دن کی عمر میں کپتانی کر کے اہم سنگ میل عبور کیا، انہوں نے کولکتہ نائٹ رائیڈرز کے خلاف میچ میں کپتانی کے فرائض نبھائے تو وہ انڈین پریمیئر لیگ کی تاریخ کے بزرگ کپتان بن گئے البتہ چنئی کو اپنے ہوم گراؤنڈ میں دھونی کی قیادت میں بدترین شکست کا سامنا بھی کرنا پڑا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔