ہاٹ لائن نیوز : لاہور ہائیکورٹ نے پرویز الہی کو عدالتی حکم کے باوجود گرفتار کرنے کے خلاف دائر توہین عدالت کی درخواست کا تحریری حکم جاری کر دیا۔
عدالت نے آئی جی اسلام آباد کے ورانٹ برقرار رکھتے ہوئے سماعت 18 دسمبر تک ملتوی کردی ۔
لاہور ہائیکورٹ کے جسٹس سلطان تنویر احمد نے پرویز الہی کی اہلیہ قیصرہ الہی کی درخواست پر گزشتہ سماعت کا تحریری حکم نامہ جاری کردیا۔
تحریری حکم میں کہا گیا ہے کہ آئی جی اسلام آباد اور ایس ایس پی کے بار بار ورانٹ گرفتاری اور ناقابل ضمانت وارنٹ جاری کیے گیے۔
دونوں افسران عدالت پیش نہ ہوئے اور نا ہی کوئی جواب دیا۔ شک ہے کہ آئی جی اسلام آباد اور ایس ایس پی کو دائرہ اختیار کا غلط مشورہ دیا گیا۔
تحریری حکم نامے میں مزید کہا گیا ہے کہ سیکرٹری اسٹیبلشمنٹ اسلام آباد کو تحریری حکم کی کاپی ارسال کی جائے۔
سیکریٹری اسٹیبلشمنٹ اسلام آباد اس معاملے پر عدالتی معاونت کے لیے کوئی افسر مقرر کرے۔ عدالت نے آئی جی اسلام آباد کے ورانٹ برقرار رکھتے ہوئے سماعت 18 دسمبر تک ملتوی کردی ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔