واشنگٹن میں پاکستان اور امریکا کے درمیان تجارتی مذاکرات دوسرے روز بھی جاری رہے، جن میں دوطرفہ تجارت، سرمایہ کاری، آئی ٹی اور معاشی تعاون کے فروغ پر تبادلہ خیال کیا گیا۔
ذرائع کے مطابق پاکستانی وفد کی قیادت سیکریٹری کامرس جواد پال کر رہے ہیں، جبکہ امریکی محکمہ تجارت کے حکام بھی مذاکرات میں شریک ہیں۔
مذاکرات کے دوران پاکستان نے امریکی منڈی میں پاکستانی برآمدات پر عائد 19 فیصد ٹیرف میں کمی کی درخواست پیش کی تاکہ پاکستانی مصنوعات کی رسائی بہتر ہو اور برآمدات میں اضافہ ممکن بنایا جا سکے۔
فریقین نے سرمایہ کاری، صنعتی تعاون، آئی ٹی کے شعبے میں شراکت داری اور مشترکہ کاروباری مواقع سمیت مختلف اقتصادی امور پر بھی گفتگو کی۔ ذرائع کے مطابق دونوں ممالک تجارتی تعلقات کو مزید مضبوط بنانے اور باہمی تعاون بڑھانے کے لیے مختلف تجاویز کا جائزہ لے رہے ہیں۔
سرکاری سطح پر مذاکرات کے حتمی نتائج یا کسی معاہدے کا باضابطہ اعلان ابھی سامنے نہیں آیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔