کراچی میں ٹریفک پولیس اور محکمہ ایکسائز نے فیس لیس ای ٹکٹنگ نظام کے تحت بڑی کارروائی کرتے ہوئے تقریباً 40 ہزار گاڑیوں کو بلیک لسٹ قرار دے دیا ہے۔
حکام کے مطابق یہ اقدام ان گاڑیوں کے خلاف کیا گیا ہے جن کا ریکارڈ مکمل نہیں، ملکیت کی منتقلی (ٹرانسفر آف اونرشپ) نہیں کی گئی یا رجسٹریشن کے دوران فراہم کردہ معلومات، خصوصاً پتہ، غلط یا نامکمل پائی گئی ہیں۔
ٹریفک پولیس نے واضح کیا ہے کہ یکم جولائی 2026 سے بلیک لسٹ گاڑیوں کے خلاف سخت کارروائی شروع کی جائے گی۔ اس دوران قانون کی خلاف ورزی کرنے والی یا واجبات ادا نہ کرنے والی گاڑیوں کو جرمانوں کے علاوہ ضبط بھی کیا جا سکتا ہے۔
حکام نے شہریوں کو ہدایت کی ہے کہ وہ فوری طور پر اپنی گاڑیوں کا ریکارڈ درست کرائیں، ملکیت کی منتقلی مکمل کریں اور ای ٹکٹنگ سمیت تمام بقایا جات کی ادائیگی یقینی بنائیں۔
پولیس کے مطابق سندھ پولیس کے TRACS پورٹل پر بلیک لسٹ گاڑیوں کی فہرست دستیاب ہے، جہاں شہری اپنی گاڑی کا نمبر یا شناختی کارڈ نمبر درج کر کے اس کی حیثیت چیک کر سکتے ہیں۔
انتظامیہ نے خبردار کیا ہے کہ مقررہ تاریخ کے بعد بلیک لسٹ گاڑیوں کے مالکان کو قانونی نوٹسز، جرمانوں اور دیگر مشکلات کا سامنا کرنا پڑ سکتا ہے، اس لیے شہری بروقت اپنے کاغذات اور واجبات کو درست کر لیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔