اسلام آباد: آئندہ مالی سال کے وفاقی بجٹ کی تیاریوں کے سلسلے میں اہم پیش رفت سامنے آئی ہے، جس کے تحت بجٹ 10 جون کو پیش کیے جانے کا امکان ظاہر کیا جا رہا ہے۔
سرکاری ذرائع کے مطابق قومی اسمبلی کا بجٹ اجلاس اسی روز شام 5 بجے بلائے جانے کا امکان ہے، جس کے لیے قومی اسمبلی اور سینیٹ کے اجلاسوں کی سمری متعلقہ حکام کو ارسال کر دی گئی ہے۔
ذرائع کا یہ بھی کہنا ہے کہ وزیراعظم نے قومی اقتصادی کونسل (NEC) کا اجلاس 8 جون کو طلب کر لیا ہے، جس کا باضابطہ نوٹیفکیشن جلد جاری ہونے کی توقع ہے۔ اجلاس کی صدارت وزیراعظم کریں گے، جس میں وفاقی وزراء اور چاروں صوبوں کے وزرائے اعلیٰ شرکت کریں گے، جبکہ آزاد کشمیر اور گلگت بلتستان کے وزرائے اعلیٰ بھی اجلاس میں موجود ہوں گے۔
قومی اقتصادی کونسل آئندہ مالی سال 2026-27 کے لیے ترقیاتی منصوبوں اور ترقیاتی بجٹ کی منظوری دے گی۔
مزید برآں ذرائع کے مطابق اکنامک سروے 9 جون کو پیش کیے جانے کا امکان بھی ہے، جس میں ملک کی معیشت کی مجموعی کارکردگی کا جائزہ شامل ہوگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔