عالمی منڈی میں کمی کے بعد پاکستان میں سونا اور چاندی سستے

عالمی مارکیٹ میں قیمتی دھاتوں کی قیمتوں میں کمی کے اثرات مقامی صرافہ بازاروں پر بھی مرتب ہوئے ہیں، جس کے نتیجے میں ملک بھر میں سونے اور چاندی کی قیمتوں میں نمایاں کمی ریکارڈ کی گئی ہے۔
رپورٹس کے مطابق پاکستان میں فی تولہ سونے کی قیمت میں 9 ہزار روپے کی کمی ہوئی ہے، جس کے بعد نئی قیمت 5 لاکھ 14 ہزار 762 روپے ہو گئی ہے۔ اسی طرح 10 گرام سونے کی قیمت 7 ہزار 716 روپے کم ہو کر 4 لاکھ 41 ہزار 325 روپے تک آ گئی ہے۔
بین الاقوامی مارکیٹ میں بھی سونے کی قیمت میں 90 ڈالر فی اونس کمی دیکھنے میں آئی، جس کے بعد سونا 4 ہزار 920 ڈالر فی اونس پر ٹریڈ ہو رہا ہے۔
چاندی کی قیمتوں میں بھی کمی کا رجحان دیکھا گیا ہے۔ مقامی صرافہ بازار میں فی تولہ چاندی 150 روپے سستی ہو کر 8 ہزار 14 روپے پر آ گئی، جبکہ 10 گرام چاندی کی قیمت 129 روپے کم ہو کر 6 ہزار 870 روپے ریکارڈ کی گئی ہے۔
عالمی منڈی میں چاندی کی قیمت بھی کم ہو کر 75 اعشاریہ 30 ڈالر فی اونس کی سطح پر آ گئی ہے۔
ماہرین کے مطابق عالمی سطح پر قیمتوں میں اتار چڑھاؤ کے باعث مقامی مارکیٹ میں بھی ردعمل دیکھنے میں آ رہا ہے، اور آنے والے دنوں میں مزید تبدیلیوں کا امکان موجود ہے۔