شہر کراچی میں سب سے بڑی ڈکیتی: سیف سٹی کیمرے کے باوجود ڈاکو فرار

کراچی کے بہادرآباد میں ایک سنسنی خیز واردات نے شہر کے شہریوں کو ہلا کر رکھ دیا ہے۔ رواں سال کی سب سے بڑی ڈکیتی میں ایک شہری کے گھر سے 200 تولہ سونا اور ایک لاکھ ڈالر چھین لیے گئے، جس کی مجموعی مالیت 13 کروڑ روپے سے زائد بتائی جا رہی ہے۔
پولیس ذرائع کے مطابق ملزمان نے شہری سید معاذ علی کا پیچھا شارع فیصل سے کیا اور پھر اس کے گھر پہنچ کر اس پر حملہ کیا۔ چار مسلح موٹر سائیکل سوار ملزمان نے قیمتی سامان چھین کر فرار ہو گئے۔
واقعہ کے وقت علاقے میں سیف سٹی کیمرے اور پولیس کی نگرانی موجود تھی، تاہم ملزمان کی گرفتاری ابھی تک ممکن نہیں ہو سکی۔ حکام نے شواہد اکٹھے کر کے مختلف مقامات کی سی سی ٹی وی فوٹیج حاصل کر لی ہے تاکہ ڈاکوؤں کو جلد گرفتار کیا جا سکے۔
متاثرہ شہری کی مدعیت میں بہادرآباد تھانے میں چار نامعلوم ملزمان کے خلاف مقدمہ درج کیا گیا ہے۔ پولیس نے چھاپے مارنے کا سلسلہ شروع کر دیا ہے اور حکام کا کہنا ہے کہ جلد ہی ملزمان کو گرفتار کر لیا جائے گا۔