ریکارڈ اضافہ: ایک دن میں دو مرتبہ مہنگا ہواسونا

پاکستان میں سونے کی قیمتوں میں ایک بار پھر اضافہ دیکھا گیا ہے، جو عالمی مارکیٹ میں سونے کی بڑھتی ہوئی قیمتوں کا نتیجہ ہے۔ گزشتہ چند روز کے دوران سونے کی قیمت میں کمی کے بعد منگل کو مارکیٹ میں تیزی کا رجحان دیکھا گیا۔
مقامی مارکیٹ میں دس گرام سونے کی قیمت میں نمایاں اضافہ ریکارڈ کیا گیا اور فی تولہ سونا بھی مہنگا ہوا۔ ابتدائی طور پر دس گرام سونا 11 ہزار 744 روپے اور فی تولہ سونا 13 ہزار 700 روپے بڑھا، جس کے بعد مزید اضافہ ہوا اور دس گرام سونا 20 ہزار 576 روپے جبکہ فی تولہ 24 ہزار روپے مہنگا ہو گیا۔
آج کے حساب سے پاکستان میں فی تولہ سونا 5 لاکھ 14 ہزار 362 روپے اور دس گرام سونا 4 لاکھ 40 ہزار 982 روپے میں فروخت ہو رہا ہے۔
عالمی سطح پر بھی سونے کی قیمت میں تیزی دیکھی گئی، جہاں فی اونس سونا 240 ڈالر اضافے کے بعد 4 ہزار 916 ڈالر تک پہنچ گیا۔
ماہرین کا کہنا ہے کہ عالمی مارکیٹ میں اتار چڑھاؤ اور ملکی معاشی حالات دونوں عوامل سونے کی قیمتوں پر اثر انداز ہو رہے ہیں۔