بابا وانگا کی 2026 سے متعلق حیران کن پیشگوئیاں سامنے آگئیں

دنیا بھر میں پیشگوئیوں کے حوالے سے شہرت رکھنے والی بلغاریہ کی نابینا خاتون، بابا وانگا، جنہیں ان کی متعدد باتیں درست ثابت ہونے کے بعد “بلقان کی نوسٹراڈیمس” بھی کہا جاتا ہے، 2026 کے متعلق کئی اہم دعوے کرچکی تھیں۔ بابا وانگا 1996 میں انتقال کرگئی تھیں، تاہم ان کے مطابق انہوں نے مستقبل کے صدیوں بعد تک کے واقعات کے بارے میں پیشگوئیاں درج کی تھیں۔

تباہ کن قدرتی آفات کا امکان

بابا وانگا سے منسوب ایک پیشگوئی کے مطابق 2026 قدرتی آفات کا سال ثابت ہوسکتا ہے۔ بعض روایات میں کہا گیا ہے کہ اس سال بڑے پیمانے پر زلزلے، آتش فشانی سرگرمیوں میں اضافہ اور شدید موسمی واقعات دنیا کے 7 سے 8 فیصد رقبے کو متاثر کرسکتے ہیں۔ حالیہ برسوں میں دنیا بھر میں غیرمعمولی موسمی تبدیلیاں اور تباہ کن آگوں کے واقعات کو دیکھتے ہوئے یہ پیشگوئی دوبارہ موضوعِ بحث بنی ہوئی ہے۔

عالمی کشیدگی میں اضافہ

بابا وانگا کا نام بین الاقوامی سیاست سے متعلق پیشگوئیوں کے ساتھ بھی جوڑا جاتا ہے۔ کچھ ذرائع کے مطابق انہوں نے 2025 کے بعد انسانی تہذیب میں زوال اور 2026 میں بڑی عالمی طاقتوں کے درمیان سنگین تنازع کی نشاندہی کی تھی۔ مبینہ دعووں کے مطابق چین، روس اور امریکا کے درمیان کشیدگی بڑھ سکتی ہے، جبکہ چین کی جانب سے تائیوان سے متعلق قدم اٹھانے کی پیشگوئی بھی گردش کرتی ہے۔

غیر زمینی تہذیبوں سے ممکنہ رابطہ

بابا وانگا کے حوالے سے ایک اور حیران کن دعویٰ یہ ہے کہ 2026 میں انسانیت پہلی مرتبہ کسی دوسری مخلوق یا تہذیب کے ساتھ رابطہ کرسکتی ہے۔ بعض رپورٹوں میں کہا جاتا ہے کہ کوئی بڑا خلائی جہاز زمین کے قریب نمودار ہوسکتا ہے یا کسی بین النجومی (Interstellar) مشن سے متعلق اہم پیش رفت سامنے آسکتی ہے۔

عالمی معیشت کے لیے چیلنجز

پیشگوئیوں کے مطابق سال 2026 عالمی اقتصادی نظام کے لیے مشکل ترین برسوں میں سے ایک ہوسکتا ہے، جس کے دوران کئی ممالک معاشی دباؤ کا سامنا کرسکتے ہیں۔

مصنوعی ذہانت کا فیصلہ کن موڑ

بابا وانگا سے منسوب ایک اور دعویٰ یہ ہے کہ 2026 مصنوعی ذہانت (AI) کے میدان میں بڑا موڑ ثابت ہوگا۔ ان کے مطابق AI اہم شعبوں پر غلبہ حاصل کرسکتی ہے، جس سے ملازمتوں میں تبدیلی اور کچھ نئے خطرات جنم لے سکتے ہیں۔