ٹرمپ کا سوڈان جنگ کے خاتمے پر جلد عملی اقدامات کا اعلان
امریکی صدر ڈونلڈ ٹرمپ نے اعلان کیا ہے کہ وہ سوڈان میں جاری خانہ جنگی کے خاتمے کے لیے جلد عملی اقدامات کا آغاز کریں گے۔
امریکا سعودی بزنس فورم سے خطاب میں صدر ٹرمپ کا کہنا تھا کہ سعودی ولی عہد نے سوڈان کی صورتحال پر مضبوط اقدام اٹھانے کی درخواست کی ہے، جس کے بعد واشنگٹن اس معاملے کو ترجیحی بنیادوں پر دیکھے گا۔
انہوں نے کہا کہ سوڈان پہلے ان کی ترجیحات میں شامل نہیں تھا، تاہم خطے کی اہمیت اور بگڑتی صورتحال کے پیش نظر اب اس تنازع کے حل کے لیے کام شروع کیا جا رہا ہے۔
واضح رہے کہ 2023 سے سوڈان میں حکومتی فورسز اور ریپڈ سپورٹ فورس کے درمیان شدید جھڑپیں جاری ہیں۔ گزشتہ ماہ باغی ملیشیا نے الفشر شہر پر قبضہ کرتے ہوئے دو ہزار سے زائد افراد کو ہلاک کر دیا تھا۔ اقوام متحدہ کے مطابق جھڑپوں کے آغاز سے اب تک اموات کی تعداد 13 ہزار سے تجاوز کر چکی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔