اسلام آباد: وزیراعظم شہباز شریف نے 27 ویں آئینی ترمیم میں وزیراعظم کے عہدے کے لیے استثنیٰ کی شق واپس لینے کی ہدایت کر دی ہے۔
سوشل میڈیا سائٹ ایکس پر جاری بیان میں وزیراعظم نے کہا کہ آذربائیجان سے واپسی پر انہیں بتایا گیا کہ پارٹی کے چند سینیٹرز نے وزیراعظم کے استثنیٰ سے متعلق شق سینیٹ میں پیش کی تھی۔ انہوں نے واضح کیا کہ یہ شق کابینہ کے منظور شدہ مسودے میں شامل نہیں تھی، اور انہوں نے فوری طور پر اسے واپس لینے کی ہدایت کی۔
وزیراعظم نے مزید کہا کہ منتخب وزیراعظم ہمیشہ قانون اور عوام کے سامنے جوابدہ رہتا ہے۔
واضح رہے کہ گزشتہ روز سینیٹ میں پیش کیے گئے 27 ویں آئینی ترمیمی مسودے میں صدر پاکستان کے لیے تاحیات استثنیٰ کی شق شامل تھی، جس کے بعد یہ خبریں سامنے آئیں کہ آئین کے آرٹیکل 248 میں صدر کے ساتھ وزیر اعظم کا بھی نام شامل کیا جا سکتا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔