کراچی: حکومتِ سندھ نے وفاقی حکومت سے مطالبہ کیا ہے کہ گندم کی کم از کم امدادی قیمت 4200 روپے فی من مقرر کی جائے تاکہ کسانوں کو درپیش بڑھتے ہوئے پیداواری اخراجات کا ازالہ کیا جا سکے۔
صوبائی وزیر زراعت سردار محمد بخش مہر نے کہا ہے کہ عالمی مالیاتی ادارے (آئی ایم ایف) کی شرائط کے باعث صوبے وفاقی منظوری کے بغیر کسانوں کو امدادی قیمت نہیں دے سکتے، جس سے زرعی شعبے کو مشکلات درپیش ہیں۔
ان کا کہنا تھا کہ سندھ حکومت نے گندم اگاؤ سپورٹ پروگرام کے تحت 56 ارب روپے کا امدادی پیکیج دیا ہے جس میں کسانوں کو فی ایکڑ 24 ہزار 700 روپے سبسڈی فراہم کی جا رہی ہے تاکہ کھاد اور دیگر زرعی ضروریات کی خریداری ممکن ہو سکے۔
دوسری جانب، وفاقی حکومت نے گزشتہ روز گندم پالیسی برائے 2025-26 کی منظوری دیتے ہوئے گندم کی سرکاری خریداری قیمت 3500 روپے فی من مقرر کی ہے۔ پالیسی کے تحت وفاق اور صوبے مشترکہ طور پر 6.2 ملین ٹن گندم ذخیرہ کریں گے جبکہ بین الصوبائی ترسیل پر کوئی پابندی نہیں ہوگی تاکہ ملک بھر میں گندم کی دستیابی کو یقینی بنایا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔