انٹرنیشنل کرکٹ کونسل (آئی سی سی) نے پاکستان اور بھارت کے کھلاڑیوں پر حالیہ میچ کے دوران ضابطہ اخلاق کی خلاف ورزی پر کارروائی کی ہے۔
آئی سی سی کے اعلامیے کے مطابق پاکستان کے فاسٹ بولر حارث رؤف پر میچ فیس کا 30 فیصد جرمانہ عائد کیا گیا ہے۔ حارث رؤف پر الزام ہے کہ انہوں نے میچ کے دوران غیر ضروری اشارے کیے جو کہ کھیل کے ضابطے کی خلاف ورزی کے زمرے میں آتا ہے۔ انہیں لیول ون جرم کا مرتکب قرار دیا گیا ہے۔
پاکستانی بیٹر صاحبزادہ فرحان کو بھی ضابطہ اخلاق کی خلاف ورزی پر وارننگ جاری کی گئی ہے۔ انہوں نے بیٹ کو بندوق کی مانند لہرایا، تاہم ان پر کوئی جرمانہ عائد نہیں کیا گیا، لیکن انہیں مستقبل میں محتاط رہنے کی ہدایت کی گئی ہے۔
بھارتی ٹیم کے کپتان سوریا کمار یادیو کو پاک بھارت میچ کے دوران سیاسی بیان دینے پر لیول ون جرم میں ملوث قرار دیا گیا ہے۔ اس بنیاد پر ان پر بھی میچ فیس کا 30 فیصد جرمانہ عائد کیا گیا ہے۔
آئی سی سی کے مطابق تینوں کھلاڑیوں نے ضابطہ اخلاق کی خلاف ورزی پر فوری تسلیم کر لیا ہے، جس کے بعد مزید سماعت کی ضرورت نہیں پڑی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔