بلوچستان میں دفعہ 144 کا نفاذ

بلوچستان میں دفعہ 144 کا نفاذ

بلوچستان بھر میں دفعہ 144 کا نفاذ کر دیا گیا ہے، جس کا نوٹیفکیشن بھی جاری کیا گیا ہے، محکمہ داخلہ کے مطابق موٹر سائیکل پر ڈبل سواری اور اسلحہ کی نمائش پر بھی 15 روز کے لیے پابندی عائد کی گئی ہے۔

نوٹیفکیشن میں کہا گیا ہے کہ 5 یا 5 سے زائد لوگوں کے دھرنے، ریلیاں اور اجتماع پر بھی پابندی لگا دی گئی ہے۔

مردوں کے منہ ڈھانپنے اور نقاب کرنے پر بھی پابندی عائد ہو گی، محکمۂ داخلہ بلوچستان کا کہنا ہے کہ گاڑیوں پر کالے شیشے لگانے پر پہلے ہی سے پابندی عائد کی گئی ہے۔