جنوبی امریکہ کے ملک سرینام میں پہلی خاتون صدر کا انتخاب

جنوبی امریکہ کے ملک سرینام میں پہلی خاتون صدر کا انتخاب

71 سالہ جینیفر سائمنز جو کہ سرینام کی پہلی خاتون صدر منتخب ہوئی ہیں وہ سابق پارلیمانی اسپیکر رہ چکی ہیں، 71 سالہ جینیفر سائمنز کا انتخاب ایسے وقت میں عمل میں آیا ہے، جب عام انتخابات میں کسی جماعت کو بھی واضح اکثریت نہ ملنے کی وجہ سے 6 جماعتوں کے درمیان اتحاد ہوا، جس میں سائمنز کو صدر اور گریگوری کو نائب صدر منتخب کیا گیا ہے، پارلیمان میں جینیفر کو دو تہائی اکثریت حاصل ہوئی ہے۔

انہوں نے مختصر خطاب میں کہا کہ میں یہ عہدہ خدمت کے لیے قبول کر رہی ہوں، اپنی تمام تر طاقت کو بروئے کار لاتے ہوئے قومی دولت کو عوام کے لیے استعمال کروں گی، انہوں نے خاص طور پر نوجوانوں کی ترقی پر توجہ دینے کا وعدہ کیا اور اعتراف کیا کہ بطور پہلی خاتون صدر ان پر ایک بڑی ذمہ داری عائد ہوئی ہے۔