ہاٹ لائن نیوز : پنجاب حکومت نے بچوں سے زیادتی اور ملازمین پر تشدد کی روک تھام کے لیے اقدامات کرنے کا فیصلہ کیا ہے۔
وزیراعلیٰ پنجاب مریم نواز کی زیر صدارت امن وامان کے حوالے سے جائزہ اجلاس ہوا جس میں آئی جی پنجاب نے امن وامان کی صورتحال پر تفصیلی بریفنگ دی۔
اجلاس میں زیادتی کی سزا 10 سے بڑھا کر 15 سال کرنے کی تجویز کا جائزہ لیا گیا، اجتماعی زیادتی، بچوں سے زیادتی ، ملازمین پر تشدد کے واقعات کی روک تھام کیلیے اقدامات کاجائزہ لیاگیا۔
اجلاس میں بریفنگ دی گئی کہ پولیس کے لیے سائبر کرائم انویسٹی گیشن کی تربیت مکمل کر لی گئی ہے۔ اجلاس میں پولیس کو ڈرونز اور دیگر جدید ٹیکنالوجی سے لیس کرنے کے لیے فنڈز کی بھی اصولی منظوری دی گئی۔
وزیراعلیٰ پنجاب نے کہا کہ جرائم کے خاتمے کے لیے پولیس کو مکمل وسائل فراہم کریں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔