ہاٹ لائن نیوز وزیراعظم شہباز شریف کی زیر صدارت وفاقی کابینہ کا اجلاس آج دوپہر 12 بجے ہوگا، اس اجلاس میں اسلام آباد ہائی کورٹ کے ججوں کے خط کا معاملہ بھی زیرغور آئے گا اور ججز کی جانب سے لگائے گئے الزامات کی انکوائری کے لیے کمیشن کے قیام کی منظوری دی جائے گی، وفاقی کابینہ کے اجلاس کا ایجنڈا 5 نکاتی ہوگا، کابینہ کا اجلاس زوم پر ہو گا جہاں زیادہ تر وزرا آن لائن شرکت کریں گے۔
وفاقی حکومت نے اسلام آباد ہائی کورٹ کے 6 ججز کی جانب سے لکھے گئے خط پر انکوائری کمیشن بنانے کا اعلان کیا تھا، وزیر قانون اعظم نذیر تارڑ نے کہا کہ خط پر کمیشن بنے گا اور غیر جانبدار ریٹائرڈ شخصیت اس پر رپورٹ مرتب کرے گی، اس معاملے پر ہم کمیشن بنائیں گے اور معاملہ کابینہ کے سامنے رکھا جائے گا، کمیشن آف انکوائری ایکٹ کے تحت غیر جانبدار عدالتی شخصیت کے سپرد انکوائری کی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔