ہاٹ لائن نیوز : دھند نے سب کچھ دھندلا دیا، حدنگاہ کم ہونےپر موٹروے کو مختلف مقامات سے ٹریفک کے لیے بند کر دیا گیا۔
ترجمان موٹروے پولیس سید عمران احمد کے مطابق ایم ٹو لاہور سے شیخوپورہ موٹروے دھند کے باعث بند کر دی گئی، ایم تھری حدنگاہ کم ہونے کے باعث فیض پور سے رجانہ تک تمام گاڑیوں کا داخلہ بند کر دیا گیا، لاہور سیالکوٹ پر دھند کے باعث موٹر وے کو معطل کر دیا گیا۔
سید عمران احمد کے مطابق موٹر ویز کو عوام کے تحفظ اور محفوظ سفر کو یقینی بنانے کے لیے بند کیا گیا ہے، سرد موسم کے ساتھ قومی شاہراہوں پر دھند کا دورانیہ بڑھ گیا۔
ترجمان موٹروے پولیس کے مطابق سڑک استعمال کرنے والے آگے اور پیچھے فوگ لائٹس استعمال کریں، سڑک استعمال کرنے والے غیر ضروری سفر سے گریز کریں، تیز رفتاری سے گریز کریں اور آنے والی گاڑی سے مناسب فاصلہ رکھیں، روڈ یوزرز معلومات اور مدد کے لیے ہیلپ لائن 130 پر رابطہ کریں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔