ہاٹ لائن نیوز : عام انتخابات 2024 کیلیے کاغذات نامزدگی جمع کرانے کا آج آخری دن ہے، ملک بھر میں امیدوار کاغذات جمع کرا رہے ہیں۔ اب تک ہزاروں امیدواروں نے کاغذات جمع کرائے ہیں۔
الیکشن کمیشن کی جانب سے 2 روز کی توسیع آج ختم ہو جائے گی، امیدوار شام ساڑھے 4 بجے تک کاغذات نامزدگی جمع کرا سکیں گے۔
سابق وزیراعظم عمران خان، نواز شریف، شہباز شریف، بلاول بھٹو،آصف زرداری، شاہ محمود قریشی، یوسف رضا گیلانی، مریم نواز،جہانگیر ترین، علیم خان، پرویز الٰہی اور چوہدری نثار علی خان سمیت کئی اہم سیاسی شخصیات نے کاغذات جمع کرائے ہیں۔
الیکشن کمیشن کے نظرثانی شدہ شیڈول کے مطابق کاغذات نامزدگی کی جانچ پڑتال 25 سے 30 دسمبر تک ہو گی، ریٹرننگ افسر کے فیصلوں کے خلاف اپیلیں 3 جنوری تک دائر کی جا سکیں گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔