ٹریفک پولیس پنجاب کا نیا ریکارڈ قائم

ہاٹ لائن نیوز : ٹریفک پولیس پنجاب نے ایک ہی دن میں 95 ہزار سے زائد لرننگ ڈرائیونگ لائسنس جاری کرکے تاریخ رقم کردی۔

ٹریفک پولیس پنجاب نے صوبے بھر میں 95 ہزار سے زائد لرننگ ڈرائیونگ لائسنس جاری کرکے ایک بار پھر تاریخ رقم کردی۔

ایڈیشنل آئی جی ٹریفک مرزا فاران بیگ نے کہا کہ وزیراعلیٰ پنجاب اور آئی جی پنجاب کے ویژن کے مطابق صوبے بھر میں ڈرائیونگ لائسنس کے اجراء کو آسان بنا دیا گیا ہے۔

آئی جی پنجاب ڈاکٹر عثمان انور کا وژن کہ گاڑی چلانے والے ہر شہری کے پاس ڈرائیونگ لائسنس ہونا چاہیے پورا ہو رہا ہے۔

تمام ڈرائیونگ لائسنس DLIMS پوائنٹ 2 سسٹم کے تحت جاری کیے جا رہے ہیں۔ ٹریفک پولیس پنجاب نے گزشتہ 4 دنوں میں 3 لاکھ 15 ہزار سے زائد لرننگ ڈرائیونگ لائسنس جاری کیے ہیں۔

پاکستان کے کسی صوبے میں پہلی بار اتنی بڑی تعداد میں ڈرائیونگ لائسنس جاری کیے جا رہے ہیں۔ نوجوان ڈرائیوروں کے خلاف کریک ڈاؤن کے بعد ڈرائیونگ سینٹرز پر بہت رش تھا۔

ڈی ایل آئی ایم ایس سسٹم پرانا تھا جس کی وجہ سے شہریوں کو لائسنس کے حصول میں مزید وقت درکار تھا۔ DLIMS Point Zero 2 سسٹم کے تحت شہریوں کو ڈرائیونگ لرننگ لائسنس جلد اور کم وقت میں جاری کیے جا رہے ہیں۔