جی ٹی اے 6 دنیا بھر میں ریلیز، گیمنگ شائقین کا انتظار ختم

0
24
جی ٹی اے 6 دنیا بھر میں ریلیز، گیمنگ شائقین کا انتظار ختم

دنیا کی مقبول ترین ویڈیو گیم سیریز گرینڈ تھیفٹ آٹو (GTA) کا نیا ایڈیشن جی ٹی اے 6 باضابطہ طور پر دنیا بھر میں متعارف کرا دیا گیا ہے، جس کے بعد گیمنگ کے شوقین افراد کا طویل انتظار ختم ہو گیا ہے۔

گیم کی عالمی ریلیز کا آغاز 19 نومبر 2026 کو مقامی وقت کے مطابق رات 12 بجے نیوزی لینڈ سے ہوا، جس کے بعد مختلف ممالک میں اسے دستیاب کیا گیا۔

ابتدائی مرحلے میں جی ٹی اے 6 پلے اسٹیشن 5 اور ایکس باکس سیریز ایکس اور ایس پر کھیلنے کے لیے دستیاب ہے۔

گیم کی کہانی امریکی ریاست فلوریڈا سے متاثر ایک فرضی ریاست لیونیڈا اور اس کے مشہور شہر وائس سٹی کے گرد گھومتی ہے۔ اس بار کہانی کے مرکزی کردار لوسیا اور جیسن ہیں، جن کی زندگی اور مہم جوئی گیم کا بنیادی حصہ ہے۔

دستیاب اطلاعات کے مطابق گیم کا ڈاؤن لوڈ سائز تقریباً 212 جی بی بتایا جا رہا ہے، جبکہ ابتدائی ریلیز میں صرف سنگل پلیئر موڈ شامل کیا گیا ہے۔

جی ٹی اے 6 کو ریلیز کے بعد گیمنگ حلقوں میں خاصی توجہ حاصل ہو رہی ہے۔ ناقدین اور گیمنگ ویب سائٹس کی جانب سے بھی اس کے گرافکس، کہانی اور گیم پلے کو سراہا جا رہا ہے۔

نئے کرداروں، جدید گرافکس اور وسیع ورچوئل دنیا کے باعث جی ٹی اے 6 کو سال کی نمایاں گیمنگ ریلیزز میں شمار کیا جا رہا ہے۔

Leave a reply