پاکستانی اداکارہ ماہرہ خان کے ڈرامے ’مٹی دے بوّے‘ میں ایک ننھی فنکارہ کی مختصر انٹری نے ناظرین کے دل جیت لیے ہیں۔ ڈرامے میں ماہرہ خان کے ساتھ کام کرنے والی یہ بچی دراصل ایک حقیقی نوزائیدہ ہے، جس کی ویڈیو سوشل میڈیا پر خوب وائرل ہو رہی ہے۔
ڈرامے میں ماہرہ خان نے بلقیس بانو عرف بلو کا کردار ادا کیا ہے، جسے شائقین کی جانب سے خاصی پذیرائی مل رہی ہے۔ اس کہانی میں سینئر اداکاروں کے ساتھ بچوں کی پرفارمنس بھی ناظرین کی توجہ کا مرکز بنی ہوئی ہے۔
تاہم اس بار سب سے زیادہ دلچسپی ایک نومولود بچی نائل کے حوالے سے دیکھنے میں آئی، جو ڈرامے کے ایک منظر میں پیر صاحب کی نواسی کے کردار میں دکھائی دی۔
بچی کی والدہ نے سوشل میڈیا پر ایک ویڈیو شیئر کرتے ہوئے خوشی کا اظہار کیا کہ ان کی بیٹی کو زندگی کے ابتدائی دنوں ہی میں ماہرہ خان جیسی مقبول اداکارہ کے ساتھ اسکرین پر آنے کا موقع ملا۔
ویڈیو وائرل ہونے کے بعد یہ دلچسپ قصہ مداحوں کی توجہ حاصل کرنے میں کامیاب رہا۔ خود ماہرہ خان نے بھی انسٹاگرام پر ننھی نائل کے لیے محبت اور نیک تمناؤں کا اظہار کیا۔
یوں ڈرامے کی کہانی اور اداکاری کے ساتھ ایک نوزائیدہ بچی کی مختصر سی شرکت بھی سوشل میڈیا پر گفتگو کا موضوع بن گئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔